^

Negosyante uyon, illegal structure gub-on

Ni Chester Abadilla (Banat) - October 13, 2012 - 12:00am

CEBU, Philippines - Nagkasabot na ang mga negosyante  sa Kawasan Falls,  sa lungsod sa Badian nga panggubaon  na  nila  ang ilang  mga gitukod    nga  estraktura  sa maong  lugar  aron sila makapadayon sa ilang negosyo.

Nakab-ot  nila  ang  maong  hukom  human sila  magsabot-sabot  atol  sa ilang miting  didto  sa Badian sa miaging  semana.

Sa maong  tigum ilang gipresentar ang ilang unom ka buwan nga plan of action ug  usa  niini  mao  ang  boluntaryo  nila  nga  pagguba  sa ilang  mga tindahan.

Gumikan  sa  maong  pasalig gipapirma  sila  sa  usa ka memorandum og agreement (MOA) tali sa Kapitolyo ug  sa grupo  sa  mga  negosyante  nga nanag-iya  og  mga estraktura  sa palibot  sa busay  sa Kawasan nga maoy  ilang  tumanon.

Ubos  sa maong  MOA,  gikauyonan  nga  gawas kun gub-on  sa maong  mga negosyante  ang  ilang estraktura  sa palibot  sa Kawasan Falls, dili  sila tugotang makapadagan  pa  og  negosyo  didto  sa lungsod  sa Badian sa Nobiyembre 1, 2012

Matud pa ni Mayor Robburt Librando nga dili  gayud  siya motugot sa  usa ka  kooperatiba sa palibot sa maong busay nga  maka-abli  sa negosyo  niini kun  magmagahi kini  sa pagguba sa ilang illegal structure.

Daan  na  nga  mipasalig  ang  Kapitolyo  nga andam kini  nga mohatag  og  ayuda sa pagpanaod  og  mga native  shed sa palibot  sa Kawasan Falls, usa ka matang  sa mga barong-barong  nga  moduyog  sa kinaiyanhong  katahoman  sa palibot sa busay  nga  labi  usab  nga makadani  og  mga  local  ug  langyaw  nga  turista.( /WC) (BANAT NEWS)

 

DAAN GUMIKAN ILANG KAPITOLYO KAWASAN FALLS MAONG MAYOR ROBBURT LIBRANDO
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with