Ravena himuon nga back up ni castro
CEBU, Philippines — Sa pagkawala ni Terrence Romeo sa Gilas Pilipinas, ang coaching staff sa nasudnong koponan uyon ni Kiefer Ravena nga mahimong back up point guard ni Jayson Castro.
Si Ravena wala kaayo kapakita sa iyang abilidad sa opensa sa unang duha ka duwa sa Gilas batok sa Japan
ug Chinese Taipei sa World Cup qualifiers, apan si coach Chot Reyes bilib sa natampo sa NLEX Road Warriors rookie sa assist department.
Atol sa kulbahinam nilang duwa batok sa Chinese Taipei, si Ravena mitabang sa rally sa nasudnong koponan atol sa final period diin miiskor siya og krusyal nga nuybe puntos.
Mismo si Castro ang saludo sa duwa ni Ravena, kinsa iyang gihulagway nga maoy kaugmaon sa Gilas Pilipinas.
Gidugang ni Castro nga dili na kabintahaan ang kasinatian ni Ravena sa internasyonal nga basketbol gumikan kay usa usab siya ka kanhi NBA D-League player. (BANAT NEWS)
- Latest