Ravena maglisud sa final 12

CEBU, Philippines — Maglisud si NLEX Road Warriors rookie Kiefer Ravena og sulod sa Final 12 sa Gilas Pilipinas nga moduwa sa FIBA World Cup qualifiers tungod sa presensiya sa ubang elite ug veteran guard.

Sa gipagawas nga 23-man pool sa Gilas nga pilian, ang Gilas adunay gilista nga upat ka point guards nga sila si Ravena, Terrence Romeo, Jayson Castro ug Kevin Alas. Nakuhaan na kini og usa  kay wala na si Jio Jalalon tungod sa seryosong injury sa tiil.

Bisan pa og napakita niya iyang katakus sa Southeast Asian Games diin midaog sila og gold medal, si Ravena layo ra sa kasinatian nilang Castro ug Romeo.

Kun manubra ang guwardiya sa Gilas, gamay ra ang pilian nila alang sa center position nga  naglakip ni JuneMar Fajardo, Andray Blatche ug Japeth Aguilar. (BANAT NEWS)