De Ocampo 'out' na sa Governors' Cup finals
CEBU, Philippines — Ang PBA veteran star forward nga si Ranidel De Ocampo sa Meralco Bolts miingon nga dili na siya katiwas sa finals series sa PBA Governors’ Cup human migawas ang resulta sa eksaminasyon sa iyang injury.
Si De Ocampo nakahiagum og gisi sa iyang tiil nga nagkinahanglan og taas nga panahon nga pahuway ug rehabilitasyon. Si De Ocampo, usa unta sa sinaligang lokal sa Bolts na-injured atol sa Game- 3 niadtong Miyerkules batok sa Barangay Ginebra Kings.
“Hindi na ako makakalaro,” matud pa ni De Ocampo sa Spin.ph. “Punit ang muscles e. Malaki din.”
Si Meralco coach Norman Black miingon nga ang 35-anyos usa unta sa iyang mga gisaligan nga motabang kanila aron mokampiyon sa Governors’ Cup, apan sa nahitabo, andam na sila nga mangita og laing paagi.
“It’s going to be tough moving forward especially with Ranidel being out. But at the same time, we still have some guys out there fighting and so we're going to war with them, and we'll probably make do with them in our remaining games,” matud pa ni Black. (BANAT NEWS)
- Latest