Parks nahibulong ngano wala apila sa Gilas
CEBU, Philippines - Dakung kahibulong ni Fil-American Rayk Parks nganung wala siya malakip sa mga amateur standout nga gitawag ni Gilas Pilipinas coach Chot Reyes nga moapil sa national team nga mangandam alang sa FIBA Asia Cup sa Agosto didto sa Lebanon.
Nasayran nga si Reyes milakip nila ni Kiefer Ravena, Kobe Paras, Reymar Jose ug Fil-German Christian Standhardinger aron moapil sa ensayo sa Gilas nga sugdan karong Hunyo 20 alang sa FIBA Asia Cup.
“He was surprised Kiefer (Ravena) and Kobe (Paras) got an invite, and he didn’t,” matud pa sa adviser ni Parks nga si Charlie Dy sa The Philippine STAR. “He’s in the country and he’s interested to play for the national team.”
Si Parks miduwa na alang sa Gilas niadtong miaging tuig ubos ni Tab Baldwin diin siya ang bugtong amateur player nga mipakita og aksyon alang sa national team atol sa Olympic Qualifying Tournament.
Si Parks miduwa na sa Alab Pilipinas sa ASEAN Basketball League diin siya maoy gibayaw nga MVP. Ang kanhi UAAP MVP miduwa og usa ka season sa NBA Developmental League uban sa Texas Legends. - LPM (FREEMAN)
- Latest
