NCRPO pangungunahan ang School Safety Summit
MANILA, Philippines — Pangungunahan ng National Capital Region Police Office (NCRPO) ang 1st Metro Manila School Safety and Security Summit 2026 ngayong Oktubre 8 at 9 sa Crossroads Center, Diliman, Quezon City, para palakasin ang seguridad at kahandaan ng mga paaralan laban sa iba’t ibang banta.
Dadaluhan ang dalawang-araw na summit ng mga kinatawan mula sa pampubliko at pribadong paaralan at iba’t ibang ahensiya ng pamahalaan upang bumuo ng magkakaugnay na hakbang sa prevention, preparedness at emergency response sa mga paaralan sa Metro Manila.
Ayon kay NCRPO Director PBGen. Christopher Abrahano, pagtutuunan ng summit ang pagtukoy sa mga security gaps ng mga paaralan, pagpapalakas ng threat monitoring at reporting, at mas mabilis na koordinasyon sa oras ng emergency. Tatalakayin din ang banta ng violent online content at posibleng radicalization, gayundin ang responsableng pag-iingat ng mga baril at paggamit ng ALICE (Alert, Lockdown, Inform, Counter, Evacuate) sa pagtugon sa active threats.
- Latest
