Mister inutas habang natutulog
Katabi ang misis
MANILA, Philippines — Patay ang isang lalaki nang pasukin ang inuupahang silid at pagbabarilin ng salarin habang natutulog sa tabi ng kanyang misis, sa Pasay City, Huwebes ng madaling araw.
Hindi muna naglabas ng detalye sa pagkakakilanlan ng biktima ang Pasay City Police Station upang hindi maapektuhan ang isinasagawang imbestigasyon at forward and back tracking para madakip ang suspek.
Nabatid na dakong ala-1:00 ng madaling araw nang magising ang misis ng biktima sa magkakasunod na putok ng baril at nabigla nang makitang duguan ang mister. Natulala ang misis na walang nagawa habang tumatakas ang suspek.
Inilarawan ang suspek na nakasuot ng helmet, na mag-isang pumasok sa bahay ng biktima, na matatagpuan sa eskinita ng Apelo Cruz St. Brgy, 157.
Wala pang nakikitang motibo sa krimen.
- Latest
