Vintage bomb nakawtan diha sa compound sa COA

CEBU, Philippines — Usa ka vintage bomb ang nakawtan diha sa compound sa Commission on Audit (COA)-7 sa MJ Cuenco Ave. corner V. Sotto Street, Barangay Tinago, Siyudad sa Sugbo niadtong Martes sa buntag.

Ang personnel sa Waterfront Police Station sa Cebu City Police Office pinangulohan ni Police Major Mark Don Alfred Leanza niresponde sa report kalabot sa nakit-an nga vintage bomb diha sa maong dapit.

Gikataho nga ang COA-7 nangayo og assistance sa Cancer Beat Patroller 2 Patrolman Joseph Canarejo ug Patrolman Mark Jason Delima kinsa nag-duty duol sa area ug dali usab nilang gipahibawo ang police station pinaagi sa Cyprus base.

Sa pag-abot sa kapolisan diha sa dapit nahibaw-an nga ang backhoe operator nga si Eric Bacus, 46-anyos, taga Sitio Luyongan, Barangay Lagtang, Dakbayan sa Talisay ug empleyado sa 3R Construction Company maoy nakadiskubre sa vintage bomb.

Ang Regional Explosive Ordnance Disposal and Canine Unit (RECU)-7 pinangulohan ni Police Lieutenant Joel Taboada niresponde usab sa insidente ug nakuha nila ang 1,000 lbs. (pounds) general purpose bomb o vintage bomb sa lugar.

Gideklara sa RECU-7 nga luwas ang lugar ug ang vintage bomb gidala sa designated disposal. (BANAT NEWS)