Kolurom pangdakpon
CEBU, Philippines — Kinahanglan nga sigurohon sa Local government units (LGUs) nga dunay prangkisa ang tanang nag–operate nga public transportation services gikan sa Land Transportation Franchising and Regulatory Board (LTFRB) sa dili pa sila tugtan nga makagamit sa mga transport terminal og mopadagan sa ilang rota.
Kini ang gipadayag ni Interior and Local Government Secretary Benhur Abalos human sa nahitabong pagdakop sa usa ka babaye kinsa nagpaila nga iyang paryente human madakpi ang iyang colorum nga sakyanan nga gimaneho sa usa ka lalake nga nigamit og peke nga fake driver’s license.
“This has been a persistent issue on the ground. I am directing our LGUs na tiyaking hindi makapag-operate ang mga colorum operators na ito," suma pa ni Abalos.
Suma pa ni Abalos nga kinahanglan nga sigurohon sa mga LGUs nga adunay tukma nga franchise o CPC gikan sa LTO ug LTFRB ang mga nag-operate nga mga pampublikong sakyanan.
Ang CPC usa kini ka authorization nga gi-isyu sa LTFRB alang sa operation sa land transportation services alang sa publiko nga gimando sa balaud.
Una na nga ni-isyu si Abalos og memorandum nga nagmando sa LGUs nga mopasar og ordinansa nga mag ban sa mga colorum operators nga mogamit sa ilang transport terminals.
Lakip na ang pagmando nga himoon ang inspection sa mga terminal nga sakop sa ilang hurisdiksyon ug paghimo og checkpoints ug pagtahu gilayon sa mga colorum nga sakyanan ngadto sa LTFRB ug sa LTO.
Samtang si Cebu City councilor ug Traffic Management Committee chair Rey Gealon ang nalipay sa maong lakang ni Abalos.
“'I’m an advocate for passenger safety and reliable public transport system, which is why I filed before the Sanggunian numerous legislative measures to crack down on vehicles operating illegally or without authority, CPC or franchise as PUVs,” suma pa ni Gealon. (BANAT NEWS)
- Latest
