776 sugarol nangadakpan atol sa Semana Santa
CEBU, Philippines — Sa prisuhan nagpenetinsiya ang 776 ka mga sugarol sa Central Visayas human sila nangadakpan sa kapulisan Police Regional Office (PRO)-7 sa atol sa Semana Santa kay nalambigit sa nagkalain-laing matang sa illegal nga sugal.
Ang operasyon sa PRO-7 batok illegal gambling gasugod sa Marso 24 hantod sa petsa 31 ning tuiga diin niabot sa P111, 689 nga kwarta ang nakompiskar sa mga operatiba.
Daan ng nagpahimangno si PRO-7 Regional Director Brigadier General Anthony Aberin sa publiko sa wala pa ang Semana Santa nga dunay lapad nga anti-gambling operations nga buhaton atol sa pagtimaan sa maong okasyon.
Base sa official reports sa kapolisan, sa 776 nga nadakpan 99 niini nalambigit sa tigbakay, 90 ang illegal number games, 61 ang tong-its, 13 ang mahjong, 38 gikan sa hantak ug pito ang nalambigit sa ubang matang sa illegal nga sugal.
Ang tanang mga suspetsado anaa karon sa kustodiya sa kapulisan alang sa pagpasaka og kaso.
Sa Cebu Police Provincial Office (CPPO), 237 sa ilang dinakpan ang gikasohan na og kalapasan sa Presidential Decree 1602.
"The menace of illegal gambling should be addressed with strong and consistent measures by the police in partnership with the community and thus, it should be our collective endeavor to eradicate illegal gambling in Central Visayas," matud ni Aberin. (BANAT NEWS)
- Latest
