Tigmentinar, tigbisitahan og drug den sikop sa buy-bust
CEBU, Philippines — Mag-atubang og kasong kalapasan sa section 5, 6, 7, 11 ug 12, Article II sa Akta Republika kun “Comprehensive Dangerous Drugs Act of 2002” ang tulo ka bag-ong identified drug personalities nga nadakpan sa buy-bust operation sa PDEA-7 ug Cebu City Police Station 10 sa Sitio Tres de Abril, Barangay Punta Princesa, Siyudad sa Sugbo. Nadakpan sa kapolisan ang drug den maintainer nga si Benchie Dranto, 25-anyos, walay trabaho.
Lakip sa nasikop ang tulo ka tigbisitahan sa drug den nga sila si Dominador Ibarita Jr., 37-anyos, security guard ug James Cabaluna, 30, usa ka helper.
Nasakmit sa kapolisan gikan sa mga suspetsado ang 10 ka putos nga shabu nga nitambang og 11 gramos ug nibalor tanan ngadto sa kapin sa P74,000, buy-bust money ug nagkakain-laing drug paraphernalia.
Ang kapolisan nakadawat og impormasyon kabahin sa ilegal nga kalihokan ni Dranto hinungdan nga gipaubos nila kini sa usa ka semana nga case build up ug nasuta nga maka- dispose ang suspetsado og 20 gramos nga shabu matag semana ug kasagaran sa mga kustomer niini PUV drivers.
Nasayran nga ang Barangay Punta Princesa nadeklara kini nga drug cleared ug padayon ang monitoring ug validation sa PDEA sa reported illegal drug activities diha sa drug-cleared barangays.
Ilang gihulagway nga critical part kini sa drug-clearing process aron masiguro nga mamentinar sa barangay ang ilang drug-cleared status. BDB BANAT NEWS
- Latest
