Dul-an sa 200 ka scholar sa Cebu City ang wala pa makakuha sa allowance

CEBU, Philippines —  Dul-an sa 200 ka college academic scholars sa Cebu City ang wala pa maka-claim sa ilang supply ug transportation allowances alang sa second semester sa 2022-2023 diin aduna na lang sila’y tulo ka adlaw sa pag-claim niini sugod karong adlawa diha sa City Treasurer’s Office nga nahimutang diha sa Cebu City Hall.

Ang maong mga scholar mahimong mo claim sa ilang allowances gikan sa alas 9:00 sa buntag ngadto sa alas 4:00 sa hapon kinsa si “Mr. Hernani” ang in charge niini matud sa Cebu City Scholarship Program Office.

Ang mga scholar kinahanglang mao ang mokuha sa ilang allowance gumikan kay dili na tugotan ang authorization leters.

Gipahinumduman usab sila sa pagdala og valid school ID o bisan unsa nga valid government ID nga adunay pirma diin ang walay ID dli tugotang maka-claim.

Nasayran nga ang maong mga scholar naggikan sa University of Cebu (UC)-Main Campus.

Gikataho nga ang maong mga scholars wala dayon maka-claim sa ilang allowances gumikan sa election ban matud ni Judy Navarrete, executive director sa CCSP.

Ang mga allowance nga dili ma-claim sulod sa tulo ka adlaw mabalik kini sa panudlanan sa kagamhanan sa siyudad.

Sa pagkakaron, niabot ngadto sa 14,800 ka batan-on sa siyudad ang nakabenipisyo sa scholarship program.

Alang sa mga concern ung pangutana, ang matag usa gidasig sa pag-message direkta ngadto sa bag-ong page sa Scholarship Program.

Ang karaan nga CCSP page nga na-hacked niadtong buwan sa Disyembre wala pa gihapon kini ma-recover. Gikan sa The Freeman, BDB (BANATNEWS)