E-Bike drayber giliog
CEBU, Philippines — Patay diha-diha dayon ang usa ka drayber og e-bike human kini siya gidunggab human kini nagsaba-saba sa dalan tungod sa kahubog, nahitabo kini diha sa sitio Calachuchi, Barangay Dumlog, Dakbayan sa Talisay kagahapon sa alas 3:06 sa kaadlawon.
Si Police Lt. Col. Epream Paguyod, hepe sa kapolisan sa Talisay ni ila sa biktima nga si Juan nga taga sitio Kawayanan, Barangay Biasong sa nahisgutang siyudad.
Ang kapuyo niini nga si Maria Trinidad Concepcion alyas Marimar wa masayod sa tinuod nga pangalan sa iyang hinigugma.
Hangtud ang kanhi kapuyo niini nga si Rogelyn Gahuman, 31, mao na ang niila sa tinuod nga pangalan sa namatay nga kini mao si Junnex Abayon, 32 anyos.
Matud pa ni Paguyod nga nagmaneho sa e-bike ang biktima ug kini hubog sakay niini si Marimar.
Matud pa niiini nga nagkalalis sila sa biktima ug ang iyang kapuyo nga nagsyagit-syagit sa dalan ug saba kaayo.
Nianang tungora, adunay duha ka lalaki nga niduol sa iyang kapuyo ug gidiretso kini pagduslak sa iyang liog.
Sigon pa ni Marimar nga wala siya hilabti sa mga mamumuno ug gibiyaan sila nga nagkadugo na ang kapuyo.
Iyang pagduda nga natripingan gyud ang iyang kapuyo nga iyang gihulagway nga buotan kun dili makainom og ilimnong makahubog.
Hinuon sa gihimong hot pursuit operation nadakpan ang giingong nidunggab sa biktima nga usa sab diay ka e-bike driver nga giila lang sa pangalan nga Alyas Kano.
Nakuha siya og cutter nga maoy gituohan nga maoy gigamit sa pagdunggab.
Gitan-aw sa kapolisan kun natripingan ra ang biktima o daan na silang dunay bikil.
Ang pagkabuotan nga tawo sa biktima gidasonan sab kini sa kanhi kapuyo sa namatay. Wala siya makadungog nga nalambigit sa ilegal nga kalihukan ang iyang kapuyo.
Padayon ang kapolisan sa ilang hot pursuit operation sa kauban ni Kano. IBM BANAT NEWS
- Latest