Nakaligis og bato, drayber patay

CEBU, Philippines — Patay  ang  usa  ka 21- anyos nga lalaki ug naangol ang duha niya ka mga angkas nga  human nakaligis og bato ug nangalamba sa karsada sa Barangay Quisol sa Siyudad  sa Danao niadtong tungang gabii sa adlaw’ng Sabado.

Si  Police  Lieutenant  Colonel  Clark  Arriola, hepe  sa  Danao  City Police Station miila  sa namatay  nga mao si Vincent  Bacang, taga Sitio  Tac-an  sa Barangay Tabok sa maong siyudad.

Samtang naangol ang iyang mga backriders  nga silang Karen Argofera, 18, ug ang 14- anyos niining kauban pulos silingan sa namatay.

Si  Police  Staff  Sergeant Arzie  Biatingo, imbestigador sa  traffic  section sa Danao City Police Station miingon nga gikan  sa Barangay  Togonon  ang tulo padulong pauli sakay  sa Yamaha Mio 125  nga motorsiklo.

Dugang pa ni  Biatingo  nga nagdagann ang  motorsiklo  nga gimaneho  ni Bacang kalit lamang kini nga naligsan ang dakong  bato  sa karsada  nga maoy hinungdan  sa ilang pagklamba sa kongkretong karsada.

Gidala ang tulo  sa Provincial Hospital  sa Siyudad sa Danao apan  si  Bacang  nga nakaangkon  og grabeng kadaut  sa iyang kalawasan gideklarar kini  sa mga doctor  nga dead  on arrival. —/IBM (BANAT NEWS)