MCWD gitugtan  nang makakubkob  sa bukirang barangay

CEBU, Philippines — Mahatagan na unya og solusyon ang problema sa tubig sa bukirang baran-gay sa Dakbayan sa Sugbo, human mihatag na og excavation permit ang kagam-hanan sa siyudad ngadto sa Metro Cebu Water District (MCWD) aron masugdan ang ilang proyekto.

Kagahapon, Lunes sa buntag, atubangan sa kadagkuan sa MCWD gipirma-han ni Cebu City Acting Mayor Raymond Garcia ang lima ka excavation permits.

Matud pa niadto pang buwan sa Marso sa nilabay nga tuig gipaabot sa MCWD nga kini mapirmahan aron masugdan na nila ang pagkawot aron ipamu-tang ang mga dagkong tubo nga magdala sa tubig gikan sa ilang mga pumping sta-tions ngadto sa mga konsumidor.

Gibanabana nga makompleto ang proyekto sud sa unom ngadto sa walo ka buwan.

Dili mominos sa  singko mil ka mga panimalay ang  makabenepisyo niini sumala pa ni Edgar Donoso ang General Manager sa MCWD.

Gipahibalo sab sa mga opisyal sa MCWD, bisan og nakasinati na og mga pag-ulan sa nilabay nga mga adlaw wala gihapon kini makadugang sa 60 mil cubic meters nga kakulangan sa tubig nga i-supply tungod sa grabeng epekto sa El Niño phenomenon. (BANAT NEWS)