400 polis gipabantay sa CVIRAA
CEBU, Philippines — Moabot sa 400 ka mga polis ang gipakatap sa Cebu Police Provincial Office(CPPO) aron mobantay sa pagpahigayon sa Central Visayas Regional Athletics Association(CVIRAA) nga gasugod niadtong petsa 23 kutob petsa 29 ning buwana sa Abril 2023.
Si Police Lt. Col. Gerard Ace Pelare, tigpamaba ni Police Regional Office Director Brigadier General Anthony Aberin miingon nga gi-review sa Regional Headquarter ang security plan sa CPPO ug nihatag sab sila og inputs ilabi na sa intelligence side ingon man augmentation.
Ang in-charge sa over-all security set up sa kalihukan mao ang Provincial Police Pirector sa Cebu Police Provincial Office(CPPO) nga Police Colonel Rommel Ochave.
Sila sa PRO-7 mo-deploy sa red teams o kining gitawag nila nga inspection teams aron masiguro nga ang plano nga natuki sa wala pa ang kalihukan naimplementar. Nasayran nga nakig-layon sab ang PRO-7 sa traffic team sa Cebu City paingon sa mga lungsod sa habagatang bahin sa Sugbo ug duna sila’y mga police nga gipakatap aron mobantay sa dagan sa trapiko kay usa kini sa mga hagit nga ilang gilauman subay niining CVIRAA. Nasayran nga tulo ka adlaw sa wala pa ang CVIRAA aduna nay skeletal deployment nga gihimo ang kapulisan uban ang kasundalohan, naa sab sila’y gihimong intelligence fusion aron masuta kun dunay hulga o wala lakip na sab ang contingency planning.
- Latest
