VISCOM mitabang sa kalinaw sa Negros Oriental
CEBU, Philippines — Gipasalig sa Visayas Command ang ilang suporta sa Philippine National Police ug sa Local Government Units sa pag-stabilize sa peace and order situation sa Negros Oriental.
Si Lieutenant General Benedict Arevalo, Commander sa Visayas Command mibutyag sa panag-estorya nila ni Presidente Ferdinand “Bongbong” Marcos Jr. atol sa pagbisita niini sa haya sa gipatay nga si Negros Oriental Governor Roel Degamo gimanduan sila nga tabangan ang kapolisan pagmetinar sa kahapsay ug kalinaw sa maong probinsya.
Pagkahuman sa masaker sa Pamplona, Negros Oriental nga mikalas og siyam ka kinabuhi ug 17 ang samdan ang hiniusang pwersa sa PNP ug 11th Infantry Battalion nakadakop sa upat ka suspek.
Pagsunod nga adlaw ang mga miyembro sa PNP-SWAT uban gihapon ang 11th IB naka-recover og mga armas nga giingong gigamit sa maong masaker. Sigon ni Arevalo magpadayon ang tropa sa AFP pagsuporta sa mga operasyon sa PNP pagpangita sa mga mamumuno aron mahatagan og hustisya ang mga nakalas ug naangol sa panghitabo.
“VISCOM, your reliable Armed Forces in the Visayas will remain steadfast to its commitment of securing and ensuring the well-being of our people in the Visayas region,” pasalig pa ni Arevalo. (BANATNEWS)
- Latest
