Matapos na kaha ang problema sa spaghetti wires?
CEBU, Philippines — Nakigtigom na si Konsehal Jerry Guardo ngadto sa mga representante sa nagkadaiyang utility providers ug gihisgotan ang mga regulasyon ug polisiya alang sa pag-instalar o mga poste ug overhead wires.
Suma pa ni Guardo kinsa mao usab ang chairman sa Technical Infrastructure Committee (TIC) ug Oplan Ratsada, nga ilaha na nga gi-identify ang mga poste sa luyo nga bahin sa Basilica Minore del Sto. Niño nga habig sa City Hall isip pilot area alang sa pagpatuman sa mga ordinansa.
“I called for a meeting to formulate standard solution…This is also in line with my proposed reso–an ordinance standardizing the installation of poles and regulating of overhead wires and providing penalties,” matud pa ni Guardo.
Pipila niini mao ang pagpasaka sa height requirement sa posted nga gikan sa 16 ft. ngadto sa 18ft., pagpatangtang sa nagdoble nga mga poste ingon man usab dead wires ,pag-instalar og horizontal cross arms nga color coded ug pag-require sa Telcos nga mag-umol usab og minimum height standard sa ilang mga poste.
“From the usual clearing lang because na-obserbahan nako na after a few months there is another installation of wires ..Ang bahitabo, magbalik-balik, there is no stopping to this problem,” saysay pa ni Guardo.
Tipik lang kini sa ilang mga aksyon alang sa direksyon ni Mayor Michael Rama nga kinahanglan matuldokan na ang spaghetti wires nga dili lang samok ug hugaw tan-awon, peligro sab kaayo sa tanan.
Nitambong sa bag-ohay lang nga tigom mao ang mga representante sa Visayan Electric , Globe, PLDT, Converge, Dito, Skycable, Eastern Telecom ug uban pa.
“Nalipay man sila…It’s just that the LGU should initial for them to abide,” saysay pa ni Guardo. —Caecent Noot-Magsumbol (BANATNEWS)
- Latest
