Demolisyon sa stalls sa Unit 2 malinawon

CEBU, Philippines — Nagmalinawon ang demolisyon sa kagamhanan sa Siyudad sa Sugbo sa pipila ka stalls sa Unit 2 Carbon isip kabahin sa redevelopment sa maong merkado.

Ang mga apektadong vendors gipahimutang una sa interim market aron magpadayon sila sa ilang pagpaninda. Kahinumdoman nga nagpadala og notisya si City Market Administrator Wendel Cenas ngadto sa mga hingtungdan nga vendors aron pagbalhin una aron mabuhat ang demolisyon.

Usa ka vendor nga si Sonia Uy ang nahinabi sa Banat News nipadayag nga wala ray komosyon nga nahitabo kay dako siyang uyon sa modernisasyon sa merkado.

"Para ra man sad  ni sa among kaayohan , kay sa higayon nga monindot na ang Carbon, mosamot man pud kadaghan among mga kustomer," suma pa sa maong vendor kinsa saksi sa mga nanghitabo sa maong merkado sud na sa 32 ka tuig.

Apan samtang dunay niuyon aduna gihapoy mga vendors ang wala sama nalang ni Anna Marie Sipalay-Ariosa, chairperson sa Carbon Alliance nga bisan tuod nga walay komosyon atol sa demolisyon  adunay mga vendors

nga napugos nalang kay nahadlok nga mawad-an og puwesto.

Suma pa ni Ariosa nga dapat unta nga ipadayon ang sabot-sabot aron makahulma og haom nga solusyon. Dugang pa niya nga nakugang nalang siya nga nasugdan dayon ang demolisyon.

Matud pa niya nga dili lalim nga maabot sila sa temporaryong nga area kun diin mohinay ang kita sa vendors.

Ang developer sa modernisasyon sa Carbon nga Megawide Construction Corp. una ng nipadayag nga himuong limpyo ug hamugaway ang maong merkado.

Ang kagamhanan niklaro nga walay vendor nga makulban og kaldero sa maong proyekto. —/IBM (BANAT NEWS)