Top 7 most wanted sikop sa Dakbayan sa Talisay
CEBU, Philippines — Nadakpan ang usa ka lalaki nga giilang top 7 most wanted person sa Dakbayan sa Talisay niadtong miaging adlaw.
Ang kapulisan pinangulohan ni Police Lt. Col. Randy Caballes miadto gilayon sa barangay Jaclupan human nakakuha og impormasyon nga didto nagtago ang ilang gipangita nga adunay kasong rape.
Ang grupo ni Caballes nagbitbit sa warrant of arrest nga giisyu ni acting presiding judge Romeo Reyes Jr. sa RTC branch 66 sa siyudad sa Talisay.
Nasikop si Karyl Mirasol Cabanero, 23 anyos nga nagpuyo sa nahisgutang lugar.
Ang dinakpan gidala sa buhatan sa kapulisan ug gibalhug sa bilangguan.
Ang korte mitagana og P200 mil pesos nga pyansa alang sa iyang temporaryo nga kagawasan.
Malaumon si Caballes nga daghan pa unya sila og masikop nga mga wanted nga dunay mga warrant of arrest. (BANAT NEWS)
- Latest
