10 barangay tangtangan og drug cleared status
CEBU, Philippines – Dili momenus 10 sa 245 ka mga drug cleared barangays sa Lalawigan sa Sugbo ang peligroso nga matangtangan og drug-cleared status matud pa ni Ivy Durano-Meca ang pangulo sa Cebu Provincial Anti-drug Abuse Office (CPADAO).
Matud niya ang maong mga barangay wala maka maintain sa mga “parameters” aron nga magpabilin ang ilang drug-cleared status, sama sa pag wala neutralize sa mga drug surrenderers.
Pipila sa maong mga barangay wala pay graduate nga drug surrenderers sa rehabilitation programs samtang ang uban igo nakasugod og community based treatment program apan walay nilahutay.
Ang uban usab kinahanglang magsugod sa uno kay wala ma turnover sa niaging mga opisyal ang mga trabaho ngadto sa mga bag-ong napili nga opisyal.
Wala itug-an ni Meca kon unsa ni nga mga barangay ug kung asa nga mga lungsod. Karong semanaha mopadala ang technical working group sa oversight committee sa monitoring report sa status sa maong mga barangay ngadto sa mga mayor.
Ang oversight committee gipangulohan sa Philippine Drug Enforcement Agency (PDEA) kinsa maoy modesisyon kon angay bang tangtangan og drug cleared status ang maong barangay. (/IBM)(BANAT NEWS)
- Latest
