Babaye nanguot og babaye sikop

CEBU, Philippines – Nadakpan ang usa ka babaye human naaktuhi nga nanguot sa laing babaye sa niaging adlaw sa Carreta, Cebu City.

Giila ang suspek nga si Odeza Binolario Cuambot, 37, taga Tejero sa siyudad, kinsa nasakpan sa akto sa nagpatrolyang kapolisan nga gipasulod ang iyang tuong kamot sa bag sa wala mailhing babaye sulod sa jeep.

Daling nanaug sa jeep si Cuambot ug nidagan human nakamatikod nga adunay kapolisan nga nagpadulong kaniya apan gigukod siya sa mga polis ug nasikop.

Dihang girekisa si Cuambot nakuhaan kini og usa ka gamay'ng pakete sa ilegal nga drugas ug nagkalain-laing drug paraphernalia ug usa ka kutsilyo nga posibleng gigamit sa pagpanguot.

Kasamtangang nagtingkagol sa Mabolo Police Station si Cuambot alang sa pagpasaka og tukmang kaso. (/GMR)(BANAT NEWS)