11 EJKs sa Visayas giimbestigar
CEBU, Philippines - Onse ka mga kaso nga gituohang extrajudicial killings ang gipaubos sa Motu Propio Investigation sa buhatan sa Commission on Human Rights niining buwan sa Agosto sumala pa ni Leo Villarino, Chief Investigator sa CHR-7 nga nahinabi sa Banat News.
Matud pa ni Villarino, sa onse ka mga kaso ang usa niini nahitabo sa buwan sa Hunyo, samtang ang napulo karon buwan sa Agosto diin ang mga nangamatay napatay atol sa mga police operations.
Sumala pa ni Villarino ilang mandato ang paghimo niini bisan og wala nay mga pamilya nga nidangop sa ilang buhatan tungod kay ang uban maglisod man pagpangita og mga saksi.
Dugang pa ni Villarino, sa onse ka mga kaso nga ilang gihikay karon walo niini ubos sa Philippine National Police ug tulo sa Philippine Drug Enforcement Agency nga operations.
Gitug-an ni Villarino, nakapadala na sila og subpoena niadtong Agosto 23 sa PNP ug PDEA-7 diin magpaabot na lang sila nga dili pa matapos karon buwana makadawat na sila og tubag sa ilang gipangayo. (BANAT NEWS)
- Latest
