Duhaon ang warden sa Talisay jail

CEBU, Philippines - Duha na unya ka warden ang magdumala sa Talisay City Jail human sa bag-ong building nga adunay gilapdon nga 90-metros kwadrado.

Matud ni Supt. Gil Inopia nga aduna silay bag-o nga probisyon sa Bureau of Jail Management and Penology (BJMP) nga kung ang usa ka facility aduna’y gidaghanon nga 20 pataas nga babaye nga piniriso, ilain gyud kini sila og management.

Sa pagkakaron, adunay 679 ka piniriso ang siyudad diin 62 niini mga babaye. Asoy pa niya nga kun matigayon kini, siya ang warden sa mga lalaki sa Talisay City Jail samtang butangan sab og warden ang mga piniriso nga babaye.

Hinuon magdepende na kini sa ilang ulohang buhatan kun kanus-a kini mapatuman.

(BANAT NEWS)