Women, children center gisubhan

CEBU, Philippines - Gisubhan kagahapon ang sentro alang sa kababayen-an ug kabatan-onan nga biktima sa pangabuso sa Probinsiya sa Sugbo. Ang Cebu Provincial Women and Children Development Center (CPWCDC) sa Sudlon, Lahug, Dakbayan sa Sugbo nigasto og P9.3 milyones ang phase 1 nga adunay tulo ka dormitories, chapel, social hall ug administration building samtang ang livelihood center padayon pa nga gitrabaho.

Si Marivic Garces, pangulo sa Provincial General Services Office, nagkanayon nga 40 kabuok pa ang ilang ma-accommodate. Si Gobernador Hilario Davide III nagkanayon nga karon nga aduna nay kaugalingong center ang probinsiya mahatagan na usab og assistance sa Kapitolyo ang mga biktima ug dili na modangop sa Department of Social Welfare and Development. (BANAT NEWS)