15 anyos nipalusot og shabu
CEBU, Philippines - Nadakpan ang usa ka 15-anyos nga bayongbayong human kini nisuway pagpalusot og ilegal nga drugas nga gisud sa iyang bilahan atol sa pagbisita niini sa iyang mga ginikanan nga napriso diha sa Medellin District Jail kagahapon sa hapon.
Base sa inisyal nga imbestigasyon nga gihimo sa Bureau of Jail Management and Penology, ang ginikanan sa batan-on kasamtangang gipriso diha sa maong bilanggoan tungod sa kaso gihapon sa ilegal nga drugas.
Si Senior Jail Officer 3 Ma. Roselle Escao, Community Relations Service Officer sa BJMP 7 nagkanayon nga ang maong gagmay’ng pakete sa shabu gipapilit og tape diha sa kinatawo sa maong menor.
Matud pa nga ang menor miagi sa inspeksyon ug didto nabantayan nga aduna kini gidala nga 22 ka gagmay’ng pakete sa shabu.
Ang batan-on gidala sa buhatan sa kapolisan samtang gipahibalo dayon ang mga sakop sa Department of Social Welfare and Development kabahin sa pagkasikop niini. (BANAT NEWS)
- Latest
