Drayber og payloader gipusil
CEBU, Philippines – Nakaangkon og samad pinusilan ang 35-anyos nga lalaki human gipusil sa wala hiilhi’ng suspek sa Sitio Camanchiles, Barangay Gen. Climaco, Siyudad sa Toledo.
Si Johnrey Trazona, minyo nga molupyo sa Barangay Esperanza, Lungsod sa Aloguinsan ang nalandig sa tambalanan.
Sa imbestigasyon sa kapolisan nasayran nga samtang nagmaneho sa payloader ang biktima kalit kini’ng giduol sa wala hiilhi’ng lalaki nga nagdala og wala masuta nga kalibre sa armas dayon gipusil pa og una ang payloader ug nimando sa pagpakanaug sa biktima.
Pagkanaug sa biktima gipusil kini igo sa tuo nga paa.
Dali’ng gidala sa Toledo City Hospital ang biktima samtang nakasibat usab ang namusil.
Gisuta pa sa kapolisan ang pag-ila sa namusil ug pagtino sa motibo niini. – /GMR) (BANAT NEWS)
- Latest
