Samsam magkongresista gyud
CEBU, Philippines - Giklaro ni Kongresista Gerald Anthony "Samsam" Gullas Jr. sa una’ng distrito nga magpapili siya pagbalik ug dili sila magbaylo og daganan sa iya’ng apohan nga si kanhi kongresista Eduardo "Eddiegul" Gullas kinsa magpapili sa pagkamayor sa dakbayan sa Talisay.
Si Samsam sa iya’ng Facebook account nipadayag nga 101 porsiyento ang iya’ng pagdagan sa pagkakongresista alang sa ikaduha’ng termino.
Nitumaw ang hungihong nga magbaylo sila og daganan human ang mga sakop sa Alayon Party sa konseho sa dakbayan gipatawag sa mga Gullas sa usa ka tigum niadto’ng Martes hinungdan nga gisuspenso ang sesyon.
Una na nga namahayag si Konsehal Choy Aznar nga wala’y basehan ang mao’ng hungihong apan wala usab niya gibutyag kung unsa ang ila’ng gihisgutan sa tigum. (BANAT NEWS)
- Latest
