Pelaez giimbitar mag-konsehal ni Radaza
CEBU, Philippines - Giimbitar ni Lapu-Lapu City Mayor Paz Radaza ang moatbang kaniya nga si Efrain Pelaez Jr. nga mohulip sa bakante pa nga pwesto sa pagka-konsehal ubos sa Derecho Team.
Wala pa gibutyag ni Pelaez ang iya’ng line-up human ang usa niya ka kandidato sa pagka-konsehal nisibog.
"Supposed to be moingon naman ko sa ako’ng line-up karon. Ni-back-out lang ang usa due to health reason," matud ni Radaza.
Apan si Pelaez niingon nga dili siya interesado nga makig-alyansa ni Radaza.
"LP vs. LP lang gihapon. Lunod Patay vs. Likay Priso! No way we will ever have alliance with the Radazas," matud ni Pelaez.
Gitataw ni Pelaez nga mas angayan siya nga mag-mayor samtang konsehal si Radaza.
Sa niagi’ng semana, si Radaza gi-endorso sa iya’ng bana nga si Arturo "Boy" Radaza, kanhi mayor ug kongresista sa siyudad, nga nakapapas sa hungihong nga mag-atbang ang magtiayun sa pagka-mayor. (BANAT NEWS)
- Latest
