Duha ka pasahero sa PUJ gi-holdup

CEBU, Philippines - Gi-holdup ang duha ka pasahero sa public utility jeepney (PUJ) nga may rota nga Labangon kagahapon sa alas 7 sa gabii sa may dalan Bonifacio, Tinago, dakbayan sa Sugbo.

Ang mga biktima naila nga sila Edilbrando Bilbera Sanchez, 36-anyos, taga Labangon ug Arlene Abad Caballes, 39-anyos, taga Quiot, dakbayan sa Sugbo.

 Usa ka lalaki nga nagkawo ug nagpangedaron og 25 ngadto sa 30-anyos ang nisakay sa PUJ ug nibunot og pistola dayun deklarar og holdup.

Si Caballes nakuhaan og duha ka singsing nga nagkantidad og P27 mil samtang si Sanchez nakuhaan og pitaka nga may sulod kapin P10 mil.  (BANAT NEWS)