Naghandos sa trisikad gipusil patay
CEBU, Philippines - Gipusil patay sa lalaki nga nagsakay og motorsiklo ang usa ka trisikad driver samtang nagtulod sa iyang traysikad sakay ang iyang asawa sa tungason nga bahin sa barangay Sta. Ana, lungsod sa Barili niadto’ng Biyernes sa gabii.
Ang namatay naila nga si Aurelio Bayutas, 40, nagpuyo sa maong lugar.
Base sa imbestigasyon nga samtang nagtulod ang biktima sa traysikad sa tungason nga bahin, gisundan kini sa motorsiklo nga gisakyan sa usa ka lalaki nga nag-bonnet ug namusil hinungdan nga dali nga nidagan ang asawa.
Nagpakitabang ang asawa samtang nipasirit og dagan ang suspek sakay sa iyang motorsiklo padulong sa Poblacion.
Patay diha-diha ang biktima ug gidala ang iyang lawas sa Barili District Hospital aron ma-autopsy.
Narekober sa kapolisan ang upat ka kabhang sa kalibre .45 nga pistola sa crime scene. (BANAT NEWS)
- Latest
