Konseho nangayo’g katin-awan sa MCWD
CEBU, Philippines - Nangayo og katin-awan ang konseho sa dakbayan sa Sugbo sa nag-ung-ong nga usbaw sa bayranan sa tubig sa Metropolitan Cebu Water District sunod tuig.
Matud ni Konsehal Nestor Archival nga angayan iladlad sa MCWD ang mga programa niini subay sa gipangayong usbaw sa bayranan sa tubig.
Ang konseho pinaagi sa sugyot ni Archival mitakda og public hearing karong Disyembre 17 aron masayud ang publiko sa gipangayong umento sa tubig ug sa katuyoan niini. Lakip sa mga gipang-imbitar sa nahisgutang public hearing ang kadagkoan sa MCWD ug Local Water Utilities Administration (LWUA), grupo sa mga kunsomedor ug uban pa. Gipahibawo sa MCWD ang P1.60 nga umento sa bayranan matag metro kubiko sa tubig o P16 sa napulo ka metro kubiko human naaprobahan sa LWUA Board of Trustees niadtong Agosto 7. (BANAT NEWS)
- Latest
