Di mag-extension sa dalan — Rama

CEBU, Philippines - Gimando ni Mayor Michael Rama sa mga nagtukod og mga estraktura ug balay diha sa kilid sa mga dalan nga dili magpalabi og palapad o paghimo og extensions sa ilang mga balay nga maoy makapagamay sa mga agianan.

Gihimo kini ni Rama atol sa pagtimaan sa “Solidarity Week”    sa DWUP o Division For the Welfare of the Urban Poor kagahapon.

Nasayran nga dunay mga daghang establisamento nga mihimo og mga extensions sa ilang mga garahe nga mikaon na og lugar sa karsada. Gilakbitan usab sa mayor ang polisiya sa siyudad panahon nga dunay masunog nga residential areas sama sa pagpatuman og reblocking aron dunay kaagian sa mga emergency vehicles panahon nga dunay emerhensiya.

Samtang gipahibalo sa mayor nga dunay giandam ang siyudad nga relocation site niadtong mga residenteng dili na makabalik sa ilang kanhi gipuy-an nga nasunog tungod sa reblocking. (BANAT NEWS)