Niputol sa ulo, kinatawo gikiha na
CEBU, Philippines – Gipasakaan na og kaso ang suspek sa pagpatay kang Alonie Olasiman kinsa giputlan sa ulo ug kinatawo sa sityo Makatol, Biga, dakbayan sa Toledo.
Si Glenn Versaga ang gipasakaan na og kasong murder sa Toledo City Prosecutor’s Office kagahapong adlawa ug gipaubos na sa inquest proceedings.
Matud ni SPO3 Jose Dante Talandron, hepe sa Don Andres Soriano Police Sub-station, nga ang igsuon ni Alonie nga si Marites Abellana ang nibarug nga reklamante batok sa suspek.
Padayong gipalig-on sa kapolisan ang imbestigasyon sa kaso sa pagduda nga aduna pa’y laing suspek sa krimen.
Subay niini gipaabot usab nga mapagawas ang commitment order gikan sa hukmanan sa pagbalhin sa suspek sa Toledo City Jail kinsa kasamtangang gitanggong sa Toledo City detention cell.
Padayun usab nga gipangita ang hinagiban nga bangkaw ug kutsilyo nga gigamit sa pagpatay sa biktima. – /GMR) (BANAT NEWS)
- Latest
