US Marine ‘nakapatay’

CEBU, Philippines – Usa ka US Marine nga kauban sa mga sundalong Amerikano nga miapil sa PHIBLEX 15 Exercise ang gitanggong karon sa usa sa mga barko niini diha sa Subic tungod sa kamatayon sa usa ka transgender nga Filipino niadtong Sabado. Ang maong Marine sakop sa 2nd Battalion, 9th Marines nga nagbase sa Camp Lejeune, North Carolina.

Gipaubos na siya og imbestigasyon sa Naval Criminal Investigative Service. Matud pa nahitabo ang krimen sa Celzone Lodge sa Olongapo City. Ang US Embassy mipaabot na sa ilang pahasubo sa pamilya sa biktimang si Jeffrey Laude ug misaad nga mokooperar sila sa awtoridad sa Pilipinas. (Gikan sa Wires/EIM) (BANAT NEWS)