Balay sa guwardiya gikawatan
CEBU, Philippines - Gilungkab sa wala pa mailhing kawatan ang panimalay sa usa ka guwardiya sa sitio Tawagan I, Sirao, dakbayan sa Sugbo.
Nidangop sa Theft and Robbery Section sa Cebu City Police Office (CCPO) ang usa ka Roger Bontuyan, 40, usa ka guwardiya nga nadestino sa Ayala Heights human sa maong hitabo.
Matud ni PO3 Rommer Varona, imbestigador sa TRS nga wala’y tawo ang balay dihang gisulod sa kawatan kinsa gituohang miagi sa usa ka dakung tubo duol sa bintana sa balay.
Nakuha sa kawatan ang 9mm pistol nga isyu sa kompaniya ug usa ka .45 caliber pistol nga kaugalingong armas sa biktima.
Sumala pa ni Varona nga duna’y gilakaw ang biktima ug kadlawon na kining nauli ug nakita nga bungkag na ang iyang mga gamit ug nawala na ang duha ka pistola.
Nagduda ang kapolisan nga posibleng taga didto ra sa lugar ang kawatan ug posibleng mga bata o bayong-bayong pa nga batan-on ang mihimo sa krimen. (BANAT NEWS)
- Latest
