Unom nadakpan sa drug bust sa Danao
CEBU, Philippines - Unom ka gidudahang drug pushers ug users ang nasikop atol sa buy-bust operation sa Regional Anti-Illegal Drugs Special Operating Team (RAIDSOT) – 7 sa Olivar Street Barangay Poblacion Danao City,Cebu kagahapon sa udto. Ang mga nadakpan mao sila si Jessica Lonzon, Allan Laurente, Jonathan Buyno, Rexmae Castillo, Alejandro Castillo, ug Rodillo Oral pulos nagpuyo ra sa maong lugar.
Matud ni RAIDSOT-7 Inspector Joey Bicoy sa Banat News nga sulod sa usa ka buwan nilang gi-monitor si Jose Arjie Tabla kinsa gituohang level 2 drug pusher apan nakaikyas.
Si Bicoy, kinsa nangulo sa operasyon miingon nga adunay tulo hangtod sa lima ang nakaikyas.
“During sa among pag-buy-bust, nakamalay ni sila maong ang among target, nga si Arjie nakaikyas kay nilayat sa ilang fence sa luyo,” matud niya.
Sumala pa nga tungatunga sa transaksyon dunay nakabantay nga sila mga polis hinungdan nga nagdinaganay ang mga tawo.
Pasakaan og kasong Republic Act No. 9165 Sec. 5 ug Sec. 11 ang mga arestado karong Lunes sa Danao City Police Station. Nakuha sa mga dinakpan ang upat ka dagkong pakete ug tulo ka gagmay nga pakete nga gituohang shabu nga may street value nga P117, 000.
Nakuha sab sa kapolisan ang digital nga timbangan, ug cash nga P550 nga gituhoan nga halin sa iyang ilegal nga negosyo.
Kasamtangang na-detain ang mga arestado sa Danao City Police Station. - /EIM) (BANAT NEWS)
- Latest
