Taiwanese gikawatan sulod sa balay

CEBU, Philippines - Mikabat ngadto sa P38 mil ang kantidad sa kwarta ug relo nga nadala sa usa ka wala mailhing kawatan kinsa misulod sa balay nga gipuy-an sa usa ka Taiwanese sa milabay’ng adlaw diha sa Barangay Luray Dos, dakbayan sa Toledo.

Ang biktima mao si Yu Cher Chang hingkod ang panuigon nagtrabaho isip engineer sa usa ka pribadong kompaniya sa siyudad.

Base sa imbestigasyon sa kapolisan nga samtang natulog si Chang usa ka wala ilhing kawatan ang misulod sa iyang gipuy-ang balay ug pagmata niini  wala na ang iyang relo nga mobalor og P31 mil  ug kwarta nga mokantidad og P7 mil.

Ang kapolisan sa dakbayan sa Toledo nagpahigayon og follow-up nga imbestigasyon sa maong hitabo.  (BANAT NEWS)