Bulacao health center way mga gamit

CEBU, Philippines - Ang health center sa barangay Bulacao, dakbayan sa Talisay nagkinahanglan og medical apparatus hinungdan nga ang kapitan sa nahisgutang barangay nangayo og budget sa chairman sa committee on health nga si Richard Francis Aznar.

Si Kapitan Raul Cabañero sa Bulacao kinsa ex-officio member sa konseho sa siyudad mibutyag nga ang ilang health center nagkinahanglan og Blood Pressure (BP) apparatus, timbangan ug infantometer nga dunay timbangan sa bag-ong gipanganak nga bata.

Gibutyag ni Cabañero nga ang barangay walay budget sa pagpamalit sa maong mga ekipo hinungdan nga nangayo sila og tabang kang Aznar.

Niadtong Martes si Cabañero mipalabang og resolusyon sa pagpangayo og P20 mil nga budget gikan sa Legislative Assistance Fund (LAF) ni Aznar aron ipamalit nila sa nahisgutang mga ekipo.  (BANAT NEWS)