Gwardya gikawatan sa iyang armas

CEBU, Philippines - Gikawat sa wala hiilhing bata ang kargadang shotgun sa usa ka gwardiya nga nadistino pagbantay sa usa ka balay-patigayon sa dalan G. Ouano, barangay Centro sa dakbayan sa Mandaue alas 4 pasado ang takna sa miaging kaadlawon.

Si Alfredo Lañohan, 29, nag-gwardiya sa FHK Enterprise apan wala makabantay nga gikawat ang iyang armas nga aduna pa’y tulo ka bala.

Ang guwardiya matud pa didto kini sa pansayan ug gibilin sa gawas ang kargada niya nga shotgun.

Sa paggawas sa gwardya maoy iyang nakita ang bata nga miambak paingon sa gawas sa koral nga nagdala na sa iyang armas.

Ang gwardya misuway unta sa paggukod sa bata apan didto kini mopaingon sa ngitngit nga bahin sa maong lugar ug wala na gayod niya maapsi.  (BANAT NEWS)