MOA sa Talisay City ug MCWD ipa-review og balik sa Konseho
CEBU, Philippines - Ang mga sakop sa konseho sa dakbayan sa Talisay nagpatabang sa City Legal Office sa pagsil-ing og balik sa memorandum of agreement (MOA) niadtong Agosto 2, 1994 tali sa kagamhanan sa siyudad ug Metropolitan Cebu Water District (MCWD).
“It has been almost twenty years since the signing of this MOA thus there is a paramount need to ascertain all the provisions stipulated in the MOA was followed strictly both parties,†matud ni Konsehal Antonio Bacaltos, Jr. kinsa chairman sa agriculture and aquatic resources committee. Ang maong MOA nalagdaan kini dihang munisipyo pa ang Talisay ni kanhi mayor Deliah Tiu ug Alfonso Albaño kinsa maoy chairman sa MCWD board. Si Tiu maguwang kini ni Bacaltos. Atol sa gipahigayong session sa konseho niadtong milabay’ng Martes si Bacaltos nagkanayon nga dunay mga provision diha sa MOA nga kinahanglang sundon.
Matud ni Bacaltos nga si kanhi City Legal Officer, Atty. Owen Algoso nakagama na og pasiunang review o pakisusi sa MOA ug miduso kini sa iyang report niadtong Hunyo 3, 2009. Base sa nahisgutang MOA nga ang MCWD molungag lang kini og 19 ka lungag alang sa 19 ka pumping stations diha sa barangay Jaclupan.
Apan base sa report sa city legal office nagkinahanglan ang pagpahigayon og pakisusi kung ang MCWD misubay ba kini sa mga limitasyon diha sa MOA.
“It is strongly suggested that an actual inventory be conducted to determine how many wells have been drilled so far and how many pumping stations has been constructed by MCWDâ€, tipik sa report.
Wala malakip sa provision sa MOA ang limitasyon sa volume sa tubig nga ma-extract sa MCWD matag adlaw o buwan ug walay provision usab alang sa joint reading sa water meter nga gipang-instalar sa pumping stations aron madeterminar ang volume o gidaghanon sa tubig nga nasuyop sa MCWD.
Ang MCWD lang ang giingong magpahigayon og reading nga walay representante gikan sa siyudad. Dugang ni Bacaltos nga sa padayong pag-implementar sa nahisgutang MOA daku kini og prejudicial sa siyudad. Ang Public Information Officer sa MCWD nga si Charmaine Rodriguez nagkanayon kini nga gihangop sa MCWD ang pagpahigayon og review sa MOA ug maghuwat sila sa official communication gikan sa kagamhanan sa Talisay human sa pagpahigayon og review sa MOA.
Dugang niya nga ang MCWD andam nga makigsabot tali sa mga opisyal sa siyudad aron tukion ang MOA lakip na ang mga nagpadayong proyekto sa MCWD kabahin sa environmental protection ug solid waste management nga makahatag og benepisyo sa mga Talisaynon. (BANAT NEWS)
- Latest
