Babaye naangol human pusila sa ulo

CEBU, Philippines — Naangol ang usa ka 47-anyos nga babaye human kini pusila sa ulo sa duha ka kriminal diha sa Sitio Orchids, Tres de Abril Street, Barangay Pahina San Nicolas, Siyudad sa Sugbo kagahapon sa kadlawon.

Ang biktima mao si Marilou Abayan, 47-anyos, residente sa Sitio Clov, Tres de Abril Street, Barangay Pahina San Nicolas.

Base sa taho sa kapolisan nga sa wala pa mahitabo ang insidente si Abayan nagbarog kini diha sa nahisgutan lugar diin duha ka tawo ang kalit lang nibutho diha sa iyang likod kinsa usa niini ang nihulbot og armas ug dayon pusil sa ulo sa biktima.

Human sa pagpamusil daling nisibat ang mga kriminal pahilayo sa lugar.

Si Police Lieutenant Colonel Janette Rafter, deputy city director for administration sa Cebu City Police Office (CCPO) nibutyag nga nailhan na ang mga responsable sa

 pagpamusil ug nagpahigayon na og hot pursuit operation ang Sawang Calero Police Station.

Nakadawat og impormasyon ang kapolisan nga ang biktima giingong nalambigit sa ilegal nga kalihokan hinungdan.

Ang kapolisan nagpahigayon og imbestigasyon kabahin sa maong taho aron pagpiho niini. (BANAT NEWS)