9 polis gipasidunggan ni Purisima
CEBU, Philippines - Siyam ka polis ang gipasidunggan ni PNP Director Alan Purisima atol sa pagbisita niya kagahapon dinhi sa Sugbu.
Si Purisima inabagan ni PRO7 Director Marcelo Garbo Jr. mihatag sa Medalya ng Kagitingan sa siyam ka mga polis nga mi-neutralize sa pito ka mga miyembro sa gun-for-hire sa lungsod sa Consolacion ug tulisan sa siyudad sa Mandaue.
Ang gipasidunggan mao sila si Supt. Rodolfo Alborta Jr. hepe sa Provincial Intelligence Branch of the Cebu Provincial police Office kon (PIB-CCPO) nga nangulo sa operasyon, Supt. Marvin Sanchez, hepe sa Regional Anti-illegal drugs Special Operations Task Group (RAIDSOTG); Senior Insp. Mark Gifter Sucalit (RID); ug SPO1 Reynaldo Solante uban si PO3 Rizalito Recongco sa PIB-CPPO.
Sila maoy nakapatay ug nakadakop sa duha ka grupo sa guns-for hire sa Consolacion nga gilambigit sa mga high profile murders sa lalawigan. Samtang gipasidunggan usab si Chief Insp. Michael Anthony Bastes, hepe sa Mandaue Police Office Investigation and Detective Management Branch, kinsa maoy mitutok pagpangita kang Renante Baldicantos.
Lakip sa gipasidunggan mao sila si Senior Insp. Ramil Morpos ug Insp. Wilson Abot ug PO2 Geoffrey Neis.
“Your accomplishments created a positive impact on the overall competence and effectiveness of Police Regional Office 7,†padayag pa ni Purisima. (BANAT NEWS)
- Latest
