AK-47 rifle gustong bawion ni Byron
CEBU, Philippines - Mipadangat og suwat si kanhi Cebu Provincial Security Consultant Byron Garcia ngadto ni PRO-7 Regional Director Marcelo Garbo Jr. naghangyo nga ibalik na kaniya ang iyang AK-47 rifle nga gikuha sa Firearms and Explosives Security Agencies and Guards Supervision Section.
Gihulagway ni Garcia nga ilegal ang pagpa-kompiskar ni Superintendent Rex Derilo, hepe sa FESAGSS-7 sa iyang armas.
Matud pa ni Garcia na-dismiss na ang kasong illegal possession of firearms nga gipasaka batok kaniya niadto pang Disyembre 13, 2011.
Mibahad si Garcia nga iyang kasohan si Garbo ug Derilo kung dili iuli ang maong armas.
Ang maong armas gikompiskar human dunay hitabo sa dakbayan sa Talisay nga diin gireklamo si Byron nga nagbitbit niini. (/EIM) (BANAT NEWS)
- Latest
- Trending
