Garcia nagpasalamat sa mga Cebuano

CEBU, Philippines - Ang pamilyang Garcia nagpasalamat  sa mga Sugbuanon tungod sa mainitong paghangop sa pagsayaw ni suspended Gov. Gwendolyn Garcia sa Sinulog 2013 niadtong adlaw nga Domingo.

Si 3rd District Cong. Pablon PJ Garcia nga maoy nisulti sa pangan sa tibuok pamilyang Garcia, miingon nga wala sila magpaabot nga pakpakan, mo-cheer ug standing ovation sa pagsayaw sa iyang igsuon diha sa Cebu City Sport Complex.

Matud pa niya ang ilang gipaabot mao ang bahad nga may magpaka-uwaw sa gobernador samtang kini nagsayaw apan sukwahi ang ilang nasaksihan tungod kay abiba ug paghangop ang nahitabo.

Samtang gipakagamay lamang ni Cong. PJ Garcia ang pamahayag ni Cebu South District Cong. Tomas Osmeña nga “overacting” ang gihimong pagsayaw sa gobernador. (/EIM) (BANAT NEWS)