Mibisita sa anak gipangabubhoan gipatay

CEBU, Philippines - Naglunang sa kaugalingong dugo ang usa ka lalaki human kini gipusil sa miaging gabii diha sa Barangay Cogon-Pardo ning siyudad sa Sugbo.Padulong lang unta sa pagkuha sa iyang anak ang biktimang si Ruf  Heyrana, 22, taga Ramona Village sa syudad sa Talisay  aron iyang hikayan tungod kay adlaw’ng natawhan sa bata karong adlawa, dihang gipusil kini sa wala mailhing mga lalaki.

Ang biktima nakaangkon og tulo ka samad pinusilan sa likod, ug nawong nga bahin.Matod pa ni PO1 Nilo Aventurado sa Homicide Section nga ang biktima nagbaklay paatubang sa panimalay sa iyang kanhi kapuyo nga si Jocelyn Bensulan, 25, dihang kalit kining gipusil.Sumala pa ni Aventurado kuhaon unta sa biktima ang iyang 2-anyos nga anak gikan sa iyang kanhi kapuyo aron kini hikayan tungod sa adlaw’ng natawhan sa anak.

“Bale hulman sa unta niya ang ilang anak kay mag-birthday na ugma (karung adlawa), iya untang i-treat,” pasabot pa ni Aventurado,Dako ang pagduda sa kapolisan nga posibleng bag-o nga hinigugma ni Besulan ang mipusil sa biktima nga nangabubho sa pagpunay gihapon og duaw sa biktima diha sa manag-inahan.  (BANAT NEWS)