^

Biktima sa alimpus ug buhawi gihinabangan

- Ni Chester Abadilla () - May 20, 2012 - 12:00am

CEBU, Philippines - Gipahatdan dayon ni Governor Gwendolyn Garcia og hinabang      ang   mga apektadong pamilya nga dili mominus 500 ka tawo sa tulo ka mga barangay sa lungsod sa Pinamungajan nga naigo sa alimpus nga inubanan sa buhawi sa milabay’ng adlaw.

Kini ang gitug-an sa gobernador sa mga sakop sa media kalabot sa gihimo niya ngadto sa mga nabiktima sa katalagman.

Gawas sa bugas ug mga linatang pagkaon may mga bisti ug mga gamitonon sa kusina usab ang gipadala sa gobernador.

Samtang si 3rd district Congressman Pablo John “PJ” Garcia   mao usab ang mihikay    sa pagpadala sa mga sundawo nga sakop   sa 78th Infantry Battalion ngadto sa tulo ka barangay nga naigo sa katalagman aron sa pagbantay sa mga molupyo   nga apektado sa buhawi ug alimpus.

Gawas sa mga sundawo gipalihok usab dayon ni Congressman PJ ang mga tinugyanan sa Department of Public Works and Highways (DPWH)7 nga gipangunahan ni District Engineer James Dellosa aron sa pagpanghawan sa mga kadalanan   nga natam-okan sa mga kahoy nga    gilarot sa alimpus ug didto ibugsok   sa mga karsada sa maong lugar nga nakapabara sa dagan sa mga sakyanan.

Gipangunayan usab niya ang pagpang-apud-apod sa mga hinabang nga gikan sa Kapitolyo ngadto sa mga hingtungdang biktima nga mikabat og kapin kon kulang 500 ka tawo.

Gawas sa mga relief goods, mipasalig si Congressman PJ ug si Gobernador Garcia nga mohatag pa sila og hinabang    salapi ngadto sa mga biktima.

Ang gobernador misaad usab nga mohatag og hinabang sa mga nabiktima sa pagkahilo sa binangkal didto sa lungsod sa Fernando.

Iya nalang gipaabot   ang rekomendasyon sa buhatan sa Provincial Social Welfare and Development Office (PSWDO) alang sa matang sa hinabang nga iyang itunol ngadto sa mga pamilya sa mga hamtong ug mga batang nabiktima sa maong pagkaon. (WC) (BANAT NEWS)

CONGRESSMAN PABLO JOHN DISTRICT ENGINEER GARCIA GAWAS INFANTRY BATTALION JAMES DELLOSA PROVINCIAL SOCIAL WELFARE AND DEVELOPMENT OFFICE
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with