P100 mil danyos sa poultry nga nasunog

CEBU, Philippines - Mikabat sa P100,000 ang gibanabanang danyos sa sunog nga miigo sa usa ka poultry farm sa sitio Bangkerohan, barangay Tayud sa lungsod sa Consolacion sa miaging kaadlawon.

Si Fire Inspector Josephus Alburo nga maoy municipal fire marshall sa Consolacion Fire Station nagkanayon nga napawong ang kayo paglabay sa 5 minutos.

Matud pa FO1 Arnel Quijano sa kabomberohan sa maong lungsod nga nahinabi sa Banat News  nagsugod ang kayo sa atubangan sa pultahan sa maong poultry farm nga gipanag-iya ni Jesus Co ug Herman Chua.

Gumikan sa kainit nahigmata ang caretaker ug nangayo gilayon og panabang sa mga silingan

Si FO1 Quijano miingon nga human madawat nila ang pahibawo kalabot sa maong sunog milihok dayon sila.

Hangtod karon padayon pa nilang gisuta ang hinungdan sa maong sunog,

Hinuon walay bisan usa ka manok nga nalamoy sa kayo ug wala usay kinabuhi sa tawo nga naangin. (BANAT NEWS)