Naghikog pipila ka oras human bisitaha sa uyab

CEBU, Philippines - Patay ang usa ka 17-anyos nga lalaki pipila ka oras human kini bisitahi sa iyang uyab diha sa ilang panimalay sa barangay Basbas, dakbayan sa Lapulapu.

Si PO2 Carlos Barluado sa Homicide Section sa kapolisan mibutyag nga ang magulang sa namatay nga si James Maquin Tampus maoy nakadiskubre nga nagbitay na ug wala nay kinabuhi ang biktima.

Ang mirespondeng Emergency Rescue Unit Foundation (ERUF) midala sa batan-on sa Lapulapu City Hospital apan gideklarar nga patay na kini.

Matud pang Barluado ang magulang sa namatay miasoy kanila nga sayo sa hapon sa milabay’ng adlaw gibisita sa hinigugmang babaye ang manghod ug nagtabi ang duha, apan sa pagbiya sa dalaga nagmagul-anon na ang iyang manghod. (BANATNEWS)