^

Arsenio ibalhin sa City jail

- Ni Chester Abadilla () - April 15, 2012 - 12:00am

CEBU, Philippines - Kun ang kanhi mayor sa Aklan nga gipapriso dinhi sa Sugbo gimando nga anha ra siya ikapaslak sa prisohan nga gidumala sa Bureau of Jail Management and Penology (BJMP) dinhi sa Cebu dili diay obligado ang Kapitolyo nga mosagop niini pinaagi sa pagbalhug kaniya   sa prisohan sa lalawigan.

Mao kini baroganan ni Governor Gwendolyn Garcia kinsa gusto nang molingkawas gikan sa sakit sa ulo nga gidalit ni Alfredo Arsenio, kanhi mayor sa Lezo, Aklan kinsa gipaslak sulod sa Cebu Provincial Detention and Rehabilitation Center (CPDRC) nga gidumala sa lalawigan ug dili sa BJMP apan nahimong problema sa tagdumala sa maong bilanggoan.

Gumikan niini gisang-at na sa mga abogado sa lalawigan sa Sugbo ang motion sa pagpabalhin kang Arsenio ngadto sa Cebu City jail nga gidumala sa BJMP, matud pa ni manlalaban Lito Astillero.

Miingon si Astillero nga ilang gipahaom ang ilang motion sa unang motion nga gi-file kaniadto sa Department of Justice nga ipabalhin ang pagbilanggo ni Arsenio dinhi sa Sugbo sa prisohan nga gidumala sa BJMP ug dili sa CPDRC.

Matud pa ni Astillero nga kun mobalibad si Mayor Michael Rama sa maong mando , dili kaayo bug-at ang iyang pagdumili kay ang Cebu City jail dili man ubos sa iyang hurisdiksyon kundili iya sa BJMP.

Ang lakang sa kagamhanan sa lalawigan sa pagpabalhin   kang Arsenio ngadto sa laing prisohan mao ang kadako sa kagubot nga natampo niini sa tagdumala sa CPDRC dihang nasuta nga kusog siya mohatag og suburno sa mga jailguard sa maong prisohan.(/WC)  (BANATNEWS)

AKLAN ALFREDO ARSENIO ARSENIO ASTILLERO BUREAU OF JAIL MANAGEMENT CEBU CITY CEBU PROVINCIAL SUGBO
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with